Uitzitik zirkularra

Uitzi herritik ibilbide zirkularra burutuko dugu sarrera honetan. Hirumuga, Atume, Epele, Mergelu, Olarmendi eta Eraso tontorretatik igaroz.

Ibilbidearen xehetasunak Wikilocen:

Powered by Wikiloc

Ibilbideko bideoa:

Ibilbidea eta altimetria

Uitzitik ibilbidea

Ibilbidea 3 D formatuan ikusgai:

Uitzi inguruko mendien profila

Uitzi herrira gerturatu eta kotxea plazara iritsi aurretik aparkatuko dugu. 

Aparkatokia

Eta handik errepidera jaitsiko gara, eskuinetik herritik urruntzeko.

Errepidera atera eta eskuinetik beherantz

Metro batzuk errepidetik egin ondoren, eskuinetik abiatuko den pistara igaroko gara eta handik igotzen hasi ere.

Eskuineko pistatik errepidetik baztertu

Bihurgunean, eskuinetik abiatzen den bide zaharra hartuko dugu pista utziz. 

Eskuinetik bide zaharretik gora

Tartetxo batez bide zaharra jarraituz eremu goibletsu batetatik aurrera egingo dugu, goiko partean pista zabal batetara atera arte.

Bide zaharretik gora

Pistara iritsi eta ezkerreko partetik aurrera egin beharko dugu.

Metro gutxi aurrerago bidegurutze bat izango dugu. Eskuin aldetik beherantz jarraitu beharko da hemen.

Eskuinetik beherantz

Dolina batetara jaitsiko gara. Bertan errekatxo bat desagertzen den tokia ikusgai izango dugu eta aurrerago borda bat dugu.

Eskuineko pistatik igotzen jarraitu beharko da, borda txikia inguratuz.

Bidegurutzean eskuinetik gora

Pista basoa eta soro batzuen artetik gora egingo du, eta ezkerreko bazterrean hainbat lore eta zuhaizka izango ditugu.

Gorostia

Masustak

Zuhaitzen enborra

Altuera irabaziz goaz eta mendi-lepo batetara gerturatuko gara pista jarraituz. Han eskuinetik eta hesia inguratuz igotzen jarriatuko dugu.

Hesia inguratuz igo

Basoan murgildu eta Hirumuga mendiko magaletatik zuzen igoko gara tontorrera iristeko.

Hirumugara iristean

Panoramika Hirumugatik

Hirumugako tontorra

Tontorretik mendi erpina, gure eskuinetik jarraitu beharko dugu mendi-lepo batetara iristeko.

Egarrai asetzen Hirumugan

Maioetako ikuspegi ederra izango dugu tontor honetatik eta aurrerago bisitatuko ditugunetik ere.

Balerdi

Inguruko lorea

Maioak

Mendi-lepora iritsiko gara basotik, baina hemendik aurrera eguzkitan aldapei aurre egin beharko diegu.

Atume

Atume magala behatzen

Poliki poliki, eguzkipean gora jarraituko dugu. Eskerrak altuera irabaztean haizea altxatu egiten dela.

Maioak

Atume aldapetan

Balerdi

Atume mendian erpin geodesiko bat dago, eta gaurko beroarekin, eskuinean zuhaitz batzuk direnez, hara jo beharko dugu atsedena hartzeko. 

Berriz ere ura edan ondoren maldan behera joko dugu. Oraingoan jaitsiera gutxi izango da eta tarteka zuhaitzak direnez, arazorik gabe aurrera egiterik izango dugu.

Atumetik jaisten

Inguru hauetan saiak lasai oso aritzen dira normalean. Eta beheko aldeko autobidearen trafikoaren oihartsunak iristen direlarik.

Saiak

Segituan Epele mendira iritsiko gara.

Epele mendia

Panoramika Epeletik

Epeletik aurrera jarraitu beharko da, hesiaren parean eta mendi erpinetik.

Epeletik Mergelu

Saiak

Mergelu mendira iritsiko gara. Tontor honetan buzoia topatuko dugu eta gainera zuhaitzak tontorreraino daudenez, eguzkiz babesteko aukera izango dugu.

Mergelutik

Belerdi

Saiak

Autobidearen tunelak

Mergelu tontorretik gertu

Mergeluko tontorra

Basotik jarraitu beharko da, mendi erpinetik beherantz.

Beherago hesia gainditzeko ataka bat topatuko dugu eta bertatik bertze aldra igaroko gara, jaisten jarraitzeko.

Hesia gainditzen

Mergeluko jaitsiera

Mendi-lepora iritsi eta eskuinetik jarraituko dugu.

Mendi-lepoa

Eskuinetik bertze hesia gainditzeko tokira iritsiko gara. Ondoren tarte batez basotik irtengo gara, berriz ere eguzkiaren beroa pairatuz.

Hesia gainditu eta zuzen

Bidexka jarraituz bertze hesi batetara iritsiko gara eta handik ezkerretik gora jarraitu beharko dugu.

Hesitik ezkerretara igo

Apurtxo bat gorago bertze hesi bat topatuko dugu eta tarte batetarik igaro beharko dugu Ollarmendira igotzeko.

Hesia igaro

Ollarmendiko magaleko basotik gora egin eta tontorrera iritsiko gara. Oraingoan harri multzo batek adierazten digu.

Ollarmendi

Ollarmenditik Eraso mendira jarriatuko dugu altuera gutxi galduz eta mendi erpinetik.

Eraso mendirantz

Eraso menditik zuzen jaitsiko gara hesiarekin bat egin arte. Han hesia gainditu eta soro batetara aterako gara, pistarekin bat egiteko.

Hesia gaindituta

Pista eskuin aldera jarraitu

Atsedenalditxo bat egingo dugu belarrean, itzalean eta fresko.

Pistako hesia

Pistaren erdian hesi bat aurkituko dugu, hau gainditu eta pistatik jarraitu.

Tximeleta

Aurrerago bidegurutze batetara iritsiko gara eta eskuinetik beherantz jarraituko dugu.

Pista eskuinetik segi

Aurrerago bertz bidegurutze bat izango dugu. Ezkerretik jarraitu.

Ezkerretik segi

Pista zabal honetatik Uitzira jaitsiko gara

Uitzi

Errepidera iritsiko gara eta bertatik Uitzi herrira joko dugu

Errepidera atera eta eskuinetik

Uitziko eliza bisitatzera gerturatuko gara.

Uitziko eliza

Eliza

Fontoira eta plazara iritsi eta handik kotxera jaitsiko gara. Bertan iturri ederra dagoenez, freskotzeko aukera izango dugu.

Udala eta frontoia